.jpeg)
Gold-Silver Price Today : आज जेष्ठा गौरी आगमन होणार आहे. यावेळी गौराईसाठी किंवा ओवसासाठी तुम्ही दागीने घ्यायचा विचार करत असाल तर तुमच्यासाठी ही खास बातमी आहे. देशात सोन्याचा भाव 72,000 रुपयांहून अधिक आहे. शनिवार 7 सप्टेंबरपासून गणेश चतुर्थीच्या सणानिमित्ताने सोन्याच्या दरात पुन्हा वाढ झाली. अशावेळी आज (10 सप्टेंबर) थोडं का होईना सोनं स्वस्त झालं आहे. त्यामुळे आजचे भाव जाणून घेऊया. (gold-silver prices on 10 september 2024 ganpati festival in maharashtra mumbai know the details)
Goodreturns वेबसाईटनुसार, सोमवारी (9 सप्टेंबर 2024) 24 कॅरेट 10 ग्रॅम (1 तोळा) सोन्याचा भाव 72, 870 रूपये होता. आज यामध्ये 30 रूपयांनी घट झाली असून 72, 840 रूपये किंमत आहे. तर, 22 कॅरेट सोन्याचा भाव 66,770 रूपये आहे. त्याचबरोबर एक किलो चांदीची किंमत 85,000 रूपये आहे. उत्पादन शुल्क, राज्य कर आणि मेकिंग शुल्कामुळे भारतात सोने दागिन्यांच्या किंमती बदलत असतात.
आगामी काळात सोन्याच्या दरात आणखी वाढ होण्याची भीती असल्याने सोन्याच्या दागिन्यांची मागणी 50 टक्क्यांनी वाढली आहे. आता लग्नासाठी सोन्याच्या दागिन्यांची खरेदी सुरू आहे. तज्ज्ञांच्या मते सणासुदीच्या काळात सोन्याचा दर 76,000 रुपयांच्या पुढे जाऊ शकतं.
टिप्पणी पोस्ट करा